“म बाबुको नाताले अन्तिम पार्थिव शरीर हेर्न चाहन्छु…” -बुवा रामप्रशाद लामिछाने

Updated: Tribute: अमेरिकाको टेक्सास राज्यको डालस सहर निवासी अग्रणी नेपाली अभियन्ता कृष्ण लामिछानेले गत मंगलवार मार्च २१ तारिख आफ्नै घरको भर्यांगमा झुण्डिएर आत्महत्या गरेपछिको पछिल्लो घटनाक्रम अनुसार स्व. लामिछानेका ६९ वर्षीय बुद्ध बुवा रामप्रशाद लामिछानेले आफ्नो स्वर्गवासी छोरोको पार्थिव शरीर अन्तिम पटक हेर्ने ईच्छा जाहेर गरिएको पत्र सार्वजनिक भएपछि नेपाली अमेरिकी समाज मर्मान्त भएकोछ। स्व. लामिछानेकि श्रीमति माला महत र टेक्सासका नेपाली समाजका अगुवाहरूको मिलिभगतमा स्व. लामिछानेको शवको दाहसंस्कार नेपालमा रहेका बाबाआमा र भाईलाई बिना सम्पर्कै र सहमतिनै नलिई हतारहतार शुक्रवारका दिन गर्न थालिएपछि आफूले जन्मदिएको छोरोको मृत शरीर अन्तिम पटक हेर्न पाउँ भन्दै बाउले अनुनयविमय गर्नु पर्ने कारूणिक परिस्थिति सृजना भएकोछ। स्व. लामिछानेका बाबाको दाहसंस्कार केही समयको लागि रोक्न माग गरिएको पत्र सार्वजनिक भएपछि दाहसंस्कार शनिवारको लागि सारिएकोछ भने अमेरिका आउने तरखरमा रहेका बाबाको पासपोर्ट नविकरण गर्नु पर्ने भएकोले सोमवारसम्म समय लाग्ने भएकोले शनिवारको लागि सारिएको दाहसंस्कार नेपाली समाजको दवावमा बाबा आउन्जेलसम्मलाई सारिन्छ कि सारिन्न भन्ने अन्यौलता छाएकोछ। उता स्व. लामिछाने विगत लामो समयदेखि श्रीमति माला महतबाट चरम् घरेलु हिंसा, शारीरिक यातना र मानसिक प्रताडना खेप्नु परेको र सोही कारण उनी डिप्रेसनमा गएको र त्यसकै प्रतिफलस्वरूप आत्महत्या गर्ने विषम स्थितिमा पुगेको हुन सक्ने विश्लेषणले नेपाली समाज स्तब्ध भएकोछ। हेर्नुहोस् नेपालिजमको यो समाचारको फिचर कभर फोटो कोलाज जसमा स्व. लामिछानेको आँखा, कान, घाँटी र पाखुरामा भएको नील डाम्, घाउ र चोटपटक।

यसैबिच, स्व. लामिछानेकि श्रीमति माला महतले घरेलु हिंसाको क्रममानै यदि उनका श्रीमान स्व. कृष्ण लामिछानेको शरीरका माथि उल्लेखित अंगहरूमा चरम् शारीरिक यातना र चोटपटक हुने गरी सांघातिक आक्रमण गरेकी हुन् भने उनी कानूनी सजायको भागिदार हुनु पर्ने कुराको नेपाली अमेरिकी समाजमा जोडदार माग उठेकोछ।

पढ्नुहोस् स्व. कृष्ण लामिछानेका बाबा रामप्रशाद लामिछानेले लेखेको उक्त पत्रको पूर्ण पाठः

गोरखा समाज अमेरिका

नेपाली कम्यूनिटी अमेरिका

NRN च्याप्टर टेक्सास्

नेपाली समाज टेक्सास

मिति: २०७९|१२|०९

23 March 2023

सम्बन्धित बिशय सन्दर्भमा मेरो छोरा स्व. कृष्ण प्रशाद लामिछानेको मिति 21 March 2023 का दिन असामयिक रुपमा असहज परिस्थितिमा मृत्यू हुन गएको जानकारीमा आएको हुँदा उक्त मृतक पाथिक शरीरलाई म बाबुको नाताले अन्तिम पार्थीक शरीर हेर्ने चाहना तथा मेरा नातिनीहरुको टेक्सास आउने आग्रह अनुसार शुक्रवारको दिन हुन लागिरहेको अन्तिम दाहसंस्कार केही समयको लागी सारी पाउँ भन्दै यो निबेदन गर्दछु ।

बुवा: राम प्रशाद लामिछाने

फोन: ९८६०४८६१६१

९८६०४८६१६१

स्व. लामिछानेको निधन कसरी भयो?

मार्च २१ तारिख मंहलवार अन्दाजी बेलुकी ५ बजेतिर आफ्नै घरको माथिल्लो तलामा जाने भर्यांगमा झुण्डिएर मरेको अवस्थामा आत्महत्याबाट असामयिक निधन भएको बताईएकोछ। डालसका नेपाली अगुवाहरूका अनुसार उनी आफ्नो ग्रोसरी स्टोरबाट दिउँसो तीन बजेतिर आफ्नो घरेलु कुकुरसंगै निवास फर्केका थिए। उनकी श्रीमति माला महत आफ्नो व्युटी पार्लरबाट बेलुकी छ बजेतिर घर फर्किंदा उनले आफ्नो श्रीमानलाई झुण्डिएको मृत अवस्थामा फेला पारेकि थिईन्। उनको निधन हुँदा दुई छोरीहरू अध्ययनको शिलशिलामा न्यू योर्कमा थिए। माला महतले तत्काल पुलिसलाई खबर गरेकि थिईन् र प्रहरीले अनुसन्धान थालेको थियो भने बुधवार प्रहरीले स्व. लामिछानेको शव परिवारलाई दाहसंस्कारको निम्ति हस्तान्तरण गरिसकेको बताईएकोछ। स्व. लामिछाने जीवन विज्ञान भन्ने आध्यात्मिक साधनामा लागेका शान्त र शालिन व्यक्तित्व भएका मानिस थिए। उनले झुण्डिएर आत्महत्या किन गरे? उनी आफू भित्रभित्रै पीडामा जलेर, एक्लिएर कसरी र कुन विषम परिस्थितिमा आफ्नो देहलीला समाप्त गर्ने कठोर निर्णयमा पुगे? प्रहरीको अनुसन्धान जारी भएको एक नेपाली अगुवाले नेपालिजमलाई जानकारी गराए।

निभ्यो एक उज्यालो दीयोः अमेरिकामा अग्रणी नेपाली अभियन्ता कृष्ण लामिछानेको आत्महत्याबाट अवसान

Read details news at: https://www.nepalism.com/post/nepali-american-leader-krishna-lamichhane-demise

Breaking: अपडेटः आत्महत्या गरिएका भनिएका कृष्ण लामिछानेको आँखा, ओंठ र घाँटीनिर चोट निल डाम् भएको दर्दनाक फोटो नेपालिजमलाई प्राप्त भएकोछ।

नेपालिजमले प्राप्त गरेको फोटो घटनास्थलको नभएर केही समय पहिले उनी माथि घटेको हिंशाको हो। उनको निल डाम् चोटपटक लागेको निरिह र कारूणिक अवस्थाको छ।

टेक्सासका नेपालीहरू मध्ये लामिछानेका नजिकका साथीभाईहरूसंग उनी माथि घरेलु हिंशा भएको कुरा र प्रमाणहरू रहेको जानकारी नेपालिजमलाई प्राप्त भएकोछ।

स्व. कृष्ण लामिछाने लामो समयदेखि घरेलु हिंशाबाट पीडित रहेको जानकारी नेपालिजमलाई प्राप्त भएकोछ।उनले आत्महत्या गर्नुको पछाडि उनी माथि भैरहेको चरम् घरेलु हिंशाको के कस्तो असर छ? अनुसन्धान हुनु जरूरी छ।

यसैबिच, सामाजिक सन्जालहरूमा उनले आत्महत्या गरेको भन्दै उनका शुभचिन्तक र साथीभाईहरूले श्रद्धांजलि अर्पण गरेकाछन् तर लामिछाने परिवारको तर्फबाट भने आधिकारिक भनाई बाहिर आएकोछैन। उनकी श्रीमति माला महतको फेसबुक एकाउण्ट डिएक्टिब गरिएको छ भने स्वर्गीय लामिछानेको फेसबुक एकाउण्टलाई memorialize गरी legacy page बनाउन सकिने फेसबुकको व्यवस्थाको प्रयोग गर्दै परिवारको कुनै सदस्यले स्मृति पेज (tribute page) को रूपमा बदली सकिएकोछ तर सो पेजमा पनि उनको निधनको कारणबारे यो समाचार तयार पार्दा (मार्च २२ तारिख १०ः५८ EST सम्म) कहीं कतै उल्लेख गरिएकोछैन।

को हुन् उनी?

नेपालको गोर्खा जिल्लाको शहीद लखन गाउँपालिका वडा नं. ९ का पूर्व अध्यक्ष ६९ वर्षीय रामप्रसाद लामिछानेको जेठा छोरा कृष्ण लामिछाने अमेरिकाको डालस सहरमा श्रीमति र दुई छोरीहरूकासाथ बसोबास गर्दै आएका थिए। लामिछाने परिवारका तीन भाई मध्ये उनका कान्छो भाई डा. किरण लामिछानेको सन् २०१६ जुलाईमा टेक्सासमै सडक दुर्घटनामा निधन भएको थियो। माईलो भाई कपिल लामिछाने गोर्खामा छन्।

स्व. कृष्ण लामिछाने एक आध्यात्मिक साधक मात्र हैनन्। उनी टेक्सास नेपाली समाजका पूर्व अध्यक्ष, नेपाली जनसम्पर्क समिति अमेरिकाको संस्थापक महासचिव, एनआरएन अमेरिकाका २०२१-२०२३ को लागि अध्यक्ष पदका उम्मेदवार, एनआरएनए आईसिसीको नैतीक शिक्षा (Moral Education) कृतिका संयोजक पनि रहेर कार्य गरेका सुपरिचित सामाजिक अभियन्ता थिए। नेपाली अमेरिकी समाजलाई उनको निधनले एक अपुरणीय क्षति भएकोछ साथै अब उनको निधनको कारणहरूको खोजी गरी भविष्यमा आत्महत्या जस्तो रोकथाम गर्न सकिने मनोरोगको निदानको बाटोहरू पहिल्याउनु र समाजमा जनचेतना फैलाउनु जरूरी छ।

अमेरिका जस्तो वैभवशाली देश होस् या नेपाल जस्तो संस्कारयुक्त मुलुक, जहाँ रहे पनि जोसुकै व्यक्ति एक्लिन हुँदैन, एक्लाईनु हुँदैन। एकआपसमा सहअस्तित्व, आत्मसम्मान र सद्भाव कायम हुनु पर्छ। ओंठे सम्मान, निसार भक्तिभाव र सामाजिक संजालमा देखाईने खोक्रो पिरिमले जीवन सार्थक हुँदैन। मन जलेर दीलमा शान्ति कहिल्यै छाउँदैन।

सामाजिक अभियन्ता स्व. कृष्ण लामिछानेप्रति हार्दिक श्रद्धांजली!