वरिष्ठ पत्रकार स्व. गोपीकृष्ण खनाल सम्झनामा जीवनी बृत्तचित्र डकुमेन्ट्री निर्माण

न्यू जर्सी/झापा- नेपालको पूर्वान्चलका वरिष्ठ पत्रकार स्व. गोपीकृष्ण खनालको सम्झनामा प्रतिष्ठान स्थापना भएकोछ। स्व. खनालको दोश्रो पून्यतिथिको अवसरमा पत्रकार स्व. खनालको सम्झनामा एक जीवनी बृत्तचित्र डकुमेन्ट्री पनि निर्माण गरिएकोछ। गोपीकृष्ण स्मृति प्रतिष्ठानद्वारा निर्मित विन्जु मिडिया कर्नरबाट छायाॅकन तथा सम्पादन गरिएको झापाका अग्रज पत्रकार स्व.गोपीकृष्ण खनालको जिवनी बृत्तचित्र गत जुलाई १९ तारिख फेसबुक लाईभमार्फत प्रसारण गरिएको थियो। स्व. खनालको जेठा छोरा, न्यू जर्सी निवासी मनोज खनालले प्रसारणको शुरूवातमा आफ्ना स्वर्गीय पिताको सम्झनामा भाव व्यक्त गरेपछि बृत्तचित्र प्रसारण गरिएको थियो। पत्रकार स्व. गोपीकृष्ण खनाल २००४ साल पौष २९ गते जन्मिएका थिए भने सन् २०१५ मा अमेरिका भ्रमण आएका थिए। बिसं. २०६१ सालमा प्रवल गोरखा दक्षिण बाहु चौथोद्वारा विभूषित पत्रकार खनालको सन् २०१८ को जुलाई २० तारिख सडक दुर्घटना परी निधन भएको थियो।

उक्त लाईभ प्रसारण र बृत्तचित्र यो लिंकमा हेर्न सक्नुहुनेछ: https://www.facebook.com/gkmfoundations/videos/320704088967544/?d=n

पत्रकारिता यात्रा

बिसं २००४ साल पौष २९ गते तेह्रथुम जिल्लाको सामथाङमा जन्मेका स्व. गोपिकृष्ण खनालले २०२८ सालामा भारतको सिलगढीबाट प्रकाशित हुने 'वाडुली' द्वैमासिक पत्रीकामा सहयोगी सम्पादकबाट आफ्नो पत्रकारिता यात्रा शुरु गरेका थिए भने बिसं २०४७ देखि झापाको बिर्तामोडबाट आफ्नै प्रकाशन र सम्पादक्त्वमा नयाँ कामना साप्ताहिक शुरु गरेका थिए जुन उनले बिसं २०६८ सम्म २२ वर्श निरन्तर प्रकाशन गरेका थिए । उनले बिसं २०२८-२०५२ साल बिच बिबेचना मासिक, विश्वदीप मासिक, भानु मासिक, रहर मासिक, नयाँ बिचार साप्ताहिक र मनकामना साप्ताहिकको सम्पादक रहेर पत्रकारिताको बिकाशमा टेवा पुर्याएका थिए ।

सामाजिक सेवा

नेपाल पत्रकार संघ झापाको सभापती रहेका स्व. गोपिकृष्ण खनाल बिभिन्न तीन दर्जन (३६ वटा) सामाजिक संघसंस्थाहरुमा सकृयतापूर्वक लाग्दै अग्रणी भूमिका खेल्दै आएका थिए ।

सनातन धर्म सेवा समिति, झापा जिल्ला शाखाका सभापति र उक्त संस्थाको पूर्व केन्द्रिय सदस्य रहेका स्व. गोपिकृष्ण खनाल नेपाल संयुक्त राश्ट्रवादी मन्च झापाको उपाध्यक्ष, बिरता जेसिस बिर्तामोडका पूर्व महासचिब, श्यामकृष्ण पत्रकारिता पुरस्कारको संस्थापक अध्यक्ष, नेपाली साहित्यिक पत्रकार समाज झापाको सचिब, सर्व धर्म समन्वय एवं संरक्षण महासंघ झापाको सचिब, नेपाल बिद्वत परिषद झापाको सचिब, खनाल बंशोद्धार समितिको सचिब, महानन्द पुरस्कार समितिको सचिब, मोती समस्यापूर्ति प्रकाशन समितिको पूर्व सचिब, नेपाली साहित्य बिकास समिति, झापाको पूर्व कोशाध्यक्षलगायत सामाजिक संघसंस्थाहरुमा संलग्न रहेका थिए ।

पुरस्कार/सम्मान

स्व. गोपिकृष्ण खनाल आफ्नो जीवन कालमा दुई दर्जनभन्दा बढी पुरस्कार र कदरबाट सम्मानित ब्यक्तित्व पनि हुन् । स्व. गोपिकृष्ण खनाल प्रबल गोर्खा दक्षिण बाहू चौंथो (२०६१), श्री ५ वीरेन्द्र-एश्वर्या सेवा पदक (२०५८), नेपाल जेसिसको १४ औं महाधिबेशनमा बिशेश कदर पत्र र खोमनाथ मिश्र उत्कृश्ट वर्श लेखक पत्रकारिता पुरस्कार (२०६०) द्वारा सम्मानित भएका थिए भने देवकोटा स्मृति भवन भद्रपुर झापा, हिडपा साहित्यिक संस्था बिराटनगर, नवरंग साहित्यिक संस्था धरमपुर झापा, भानुकला केन्द्र बिराटनगर, मिश्र बंश समाज समिति, सुरुङ्गा झापा, श्रीकृष्ण परोपकार संस्था सुरुङ्गा झापा, तृबेणी बहु उद्देशीय सामाजिक संस्था, संगोल महिला समूह झापा, सरस्वती कीर्तन मण्डली परिवार सुरुङ्गा झापा, श्री शान्तिर युवा परिवार झापा, लक्ष्मी पशुपालन समूह झापा, आदर्शा बाल क्लब परिवार सुरुङ्गा झापा, देवी उच्च माबि बिर्तामोड झापा, अन्तरराश्टृय नेपाली साहित्य समाज (अनेसास) वाशिङटन डिसी लगायत संस्थाहरुबाट स्व. खनालले लामो समयसम्म पत्रकारिता र समाजसेवा गरेबापत अभिनन्दन र कदर प्रदान गरेका थिए ।

रचना/कृति

स्व. गोपिकृष्ण खनालका 'पक्षाघात' (कविता संग्रह, २०५९); 'यात्रानूभूति' (यात्रा संस्मरण, २०६९) र 'बेलाबेलाका वैचारिक बिम्ब' (निबन्ध संग्रह, २०७४) प्रकाशित छन् । यसका अलावाका बिभिन्न पत्रपत्रीकामा लेख, निबन्ध, कथा, कविता र समालोचाना प्रकाशित भएका छन् । यि सम्पूर्ण लेख रचनाहरुको संग्रह प्रकाशन गरी उनको कलम र बिचारलाई जीवन्त राख्न जरुरी गोपीकृष्ण स्मृति प्रतिष्ठान स्थापना गरिएको छ ।

परिवार

स्व. गोपिकृष्ण खनालकाकि श्रीमती रुपादेवी खनाल (झापा) छिन् भने उनका दुई छोरा-बुहारीहरु- जेठा छोरा मनोज खनाल, जेठी बुहारी गीता पोख्रेल खनाल, नातिनि- पूर्णिमा र नाति- प्रज्वल (अमेरिका); कान्छो छोरा रोशन खनाल, कान्छी बुहारी सुनिता पुरी खनाल, नाति- अर्पित छन् ।

स्वर्गीय आत्माको चीर शान्तिको कामना गर्दै शोकसन्तप्त परिवारमा हार्दिक समबेदना ब्यक्त गर्दछौं ।